Gimando ni Presidente Bongbong Marcos sa National Bureau of Investigation (NBI) nga imbestigaran ang China Interference sa nagkaduol nga Midterm Elections sa Mayo.
Sa Malacanang Press Briefing, gibutyag ni Atty Claire Castro nga dakung hulga sa national security ang pagpanginlabot sa China sa piliay sa nasud busa gusto sa presidente nga matino ang makatuuran sa impormasyon nga nakuha sa National Security Council.
Una nang namahayag si NSC Assistant Director General Jonathan Malaya, nga adunay indikasyon nga ang China Trolls ang gapakatag sa impormasyon nga mudaut sa mga anti-china nga mga politiko nga midagan sa 2025 elections.
Suportado sa palasyon ang pagpatawag sa senado sa Chinese ambassador aron ipatin-aw ang report kung duna bay Chinese Firm nga naghire sa mga pinoy keyboard warriors aron dautan ang usa ka politiko.
Misegunda usab si Senator Risa Hontiveros sa paghagit sa National Intelligence Coordinating Agency ug Commission on Elections nga palawman ang imbestigasyon
