Gibana-bana nga muabot sa 400,000 ang ihap sa mga tawo ang mitambong sa misa sa patay ug paglubong kang Santo Papa Francisco, didto sa St. Mary Major Basilica sa Vatican City.
Ang Requiem Mass alang sa mipanaw nga Santo Papa gipanguluhan ni Cardinal Giovanni Battista Re, ang Dean sa College of Cardinals.
Sa iyang homiliya, gihatagan sa pasidungog ug pagpasalamat ni Cardinal Re ang 12 ka tuig nga pag-alagad ni Papa Francisco sa Simbahang Katolika, kundiin, iyang napuy-an ang kinabuhing mapa-inubsanon, duol sa dughan sa mga kabus o anaa sa marginalized sector, mga linupigan, refugees, piniriso, ug mga masakiton.
Kini ang rason nga gidagnayan siya’g “The Pope of the Masses” o Santo Papa sa Masa.
Gipasiugda usab sa kadinal ang pagkamalumo ug kaligdong ni Papa Francisco sa iyang pagpangulo sa Simbahan, ilabi na sa iyang paningkamot sa kalinaw ug paghiusa sa kalibutan.
