Nakompleto na sa National Task Force – West Philippine Sea ang gilusad nga Inter-Agency Maritime Operation, kagahapon, Abril 27. Kini nga operasyon gisugdan palibot sa katubigan Pag-asa Cay 1, Cay 2, ug Sandy Cay 3.
Upat ka mga composite teams gikan sa Philippine Navy, Philippine Coast Guard, and PNP Maritime Group ang gideploy aron mahimong hapsay ug malampuson ang operasyon.
Sakay ang upat ka team sa rubber boats.
Ang Team One ug Team Two nakaabot sa Cay-1, samtang ang Team Three nakaabot sa Cay-2, ug ang Team Four nakaabot sa Cay-3.
Gipamatud-an sa NTF-WPS nga kini nga operasyon nagpalig-on sa maritime domain awareness ug jurisdiction sa Pilipinas sa West Philippine Sea.
Lakip gi-report sa upat ka teams ang ilang nakita nga China Coast Guard vessel 5102 nga nakaposisyon sa gilay-ong 1,000 yarda sa sidlakan sa Cay-2, ug pito ka Chinese Maritime Militia vessels duol sa Cay-2 ug Cay-3.
Una nang namugos ang Philippine Coast Guard nga kini nga operasyon nagpakita sa padayon nga paningkamot sa Pilipinas sa pagpanalipod sa soberanya ug katungod sa West Philippine Sea
