Sukwahi sa dili maayong paghulagwa nga lisod madawat sa ginhawaan ang ibaligya nga tag-20 pesos kada-kilo nga bugas,gipakita sa mga opisyal sa Dept of Agriculture o DA nga kini luwas konsumuhon.
Kini human gipanguluhan ni DA Secretry Francisco Laurel Jr kuyog sa ubang mga opisyal niini nga dili lisod tunlon sa mga konsumante ang nilung-ab nga bugas gikan sa National Food Authority o NFA.
Gihimo ni Laurel ang pagpakitang luwas kan-on ang NFA rice kay alang sa administrasyon,katumanan kini sa saad ni Pres Bongbong Marcos nga ibalik sa tag-20 pesos ang kilo niini diin magsugod sa mga rehiyon sa Visayas.
Makita sa video clip nga nagkatag sa social media nga wala pa parisi’g sud-an ni Laurel ang pagkonsumo niini sa NFA rice.
Kini aron pamatud-an nga bisan dili sud-anan, lami nga klase sa bugas ang mapalit sa pinili nga sektor sukwahi sa nanghiway niini.
Hisayrang igo pagbuto sa impormayon nga sugdan ang rice subsidy,kabahin si Vice Pres Sara Duterte nga misaway diin siya nagkanayon nga siguraduhon lang sa gobierno nga pagkaon sa tawo ug dili hayop ang ipangbaligya nga bugas.
