Nakasinati sa urban flooding ang syudad sa Cagayan de Oro, lakip na sa mga national Highways ug mga dalan sa Brgy Kauswagan, Brgy Bugo, Puerto ug Brgy Agusan.
Subay kini sa gihimong risk assestment sa City Disaster Risk Reduction and Management Department (CDRRMD) sa pagbubo sa kusog nga ulan nga may dalang kilat kagahapon sa hapon.
Sa interbyu sa Bombo Radyo kang Nick Jabagat, Department Manager sa CDMMRD, siya mi-ingon nga gipalihok niya ang tanan BRMMD’s sa barangay nga nakasinati sa pagbaha.
Hinoon, human sa pipila ka oras nga pagbundak sa ulan, wala misaka sa kritikal level ang tubig sa Cagayan de Oro River. Miingon si Jabagat nga kini nga mga pag-ulan dala sa LPA, ug mga cloud formations nga kasagaran mububo matag hapon.
Base sa ilang weather monitoring, mulungtad pa kining klase nga ulan hangtud lunes.
