Gitawag ni Human Rights Lawyer ug kanhi Presidential Spokesperson Harry Roque ang administrasyon ni President Ferdinand Marcos Jr nga “Bakakon”.
Nunot kini sa gipamugos nga tag 20 pesos per kilo nga bugas, kundiin, 25 pesos per kilo ang subsidiya gikan sa gobyerno.
Gisaway ni Roque ang “timing” sa pagpagawas sa maong klase sa bugas kay gibaligyan kini pipila ka adlaw sa dili pa ang Mayo 2025 Midterm Elections.
Namugos si Roque nga anaa na sa “panic mode” si Marcos busa nanlimbong nalang sa mga kabus aron siya tuhuan nga natuman na ang iyang tag 20 pesos per kilo nga bugas.
Gitin-aw usab ni Roque nga kining kwarta nga gigamit sa subsidiya, gikan ra gihapon sa buwis sa mga mamumuo nga hangtud karon wala tagae ug pagtagad ni Marcos nga mapatas-an ang suhulan.
Sama sa pagsaway nga nadawat sa administrasyon gikan kang Bise Presidente Sara Duterte, miingon si Roque nga klaro kaayo nga gapa-ngompra sa boto sa katawhan ang gobyerno gamit ang limbungan nga programang Rice For All ni Marcos, tungod kay taga Visayas ra man ang iyang gisiguro nga mapakaon niini.
