AKTIBO nga gibantayan sa Commission on Election (COMELEC) ug Task Force Kontra Bigay ang mga kaso sa vote buying sa weekends.
Namahayag si Atty George Erwin Garcia nga prisohan ang padulngan sa mga botante nga mamaligya sa ilang boto, ug diskwalipikasyon ang atubangon sa kandidato nga namalit sa boto.
Gawas niini, gitin-aw sa labaw sa COMELEC nga unom ka tuig ang pagka priso sa mga tawong masapon nga mulapas sa liquor ban, lakip na ang pagrekobar sa lisensya sa tindahan nga mamaligya sa makahubog nga ilimnon samtang gi-implementar ang “ban”.
Gawas niini, nakigkoordinar na ang poll body sa PNP ug AFP batok sa ilusad nga pasugal sama sa cockpit fighting o sabong panahon sa piliay.
Bantayan usab sa COMELEC ang kaso sa intensyonal nga pagpriso sa pipila ka tawo aron dili maka botar. Gikonsiderar kini sa ahensya nga negative voting.
