Gipamugos ni kanhi presidential spokesperson Atty. Harry Roque nga political persecution ang pagpasaka’g kaso kaniya ug pag-isyu sa warrant of arrest gikan sa Regional Trial Court (RTC) sa Angeles City, Pampanga tungod sa kasong qualified human trafficking nga may kalabutan sa operasyon sa Lucky South 99 POGO hub sa Porac, Pampanga.
Sa latest vlog ni Roque, iyang gipamugos nga siya ang gikuha nga abogado sa nagpailang tag-iya sa POGO, ug legal ang tanan nga mga papeles nga iyang gilihok, subay sa mando sa balaod.
Nagtoo si Roque nga giipit siyag samot sa Administrasyong Marcos gumikan sa iyang pagkaloyalista sa pamilya Duterte.
Gumikan niini, iyang gamiton ang warrant of arrest aron dugang ebidenysa aron mapakusog pa ang ilang apelasyon nga hatagan siyang political assylum sa nasud sa The Netherlands.
Hisayran nga non bailable o walay piyansa ang kaso nga gihampak batok kaniya.
