CAGAYAN DE ORO CITY – Misakmit na sa pinakaunang medalyang-bulawan ang Northern Mindanao Regional Athletics Association (NMRAA) o mas ilado nga NorMin Stars sa pagsugod-pormal sa mga dula sa 65th Palarong Pambansa sa Laoag City,Ilocos Norte karong buntag.
Gitaho ni Department of Education o DepEd-CdeO sports coordinator Jerry Taruc nga maoy mitala sa unang gold medal win ang elementaryang tinun-an sa athletics pinaagi kang long jump champion Kent Gimarangan nga gikan sa Division of Valencia City,Bukidnon.
Matud ni Taruc nga si Gimarangan ang buena mano nga gold medal holder gikan sa sobra 600 ka atleta nga gipadala sa DepEd- 10 nunot sa pinakaunang adlaw diin gisugdan ang daghang mga dula sa national games.
Siya miingon nga masaligon usab ang NMRAA nga molampos ang mga dula nga nasugdan na kagahapon diin halos pulos daug ang mga atleta niini batok sa ubang mga delegasyon.
Hisayrang tinguha makabalik sa NMRAA sa taas nga puwesto sa top 10 performing regions diin sa 2024 Palarong Pambansa nga gihimo sa Cebu City,nahagbong sa ranked 9 gikan sa naandan nga ika-5 o ika-unom nga puwesto sa dugay’ng katuigan.
