CAGAYAN DE ORO CITY – Balikan sa mga sakop sa taga-brgy ang mismong lugar diin nasunugan ang sobra 400 ka residente o 125 ka pamilya sa Aguda Street,Brgy 24 ning syudad sa miaging adlaw.
Kini aron makumpleto na ang mga impormasyon nga angayang mahuptan sa brgy ug maduso sa city hall aron basehan sa mahatag nga dugang tabang sa mga biktima sa sunog.
Miingon si Brgy 24 Kindergarten Teacher Daisy Gaid nga halos na susi na nila ang aktuwal nga nasunugan diin daghan kanila ang naka-house sa covered court sukad sa hitabo.
Siya miingon nga aktuwal nila nga sutaon ang lugar sa nasunugan aron makakabot na sila sa estimated personal belonging damages sa mga tagbalay niini.
Dumduman nga sa pag-ulbo sa sunog niadtong miaging adlaw,anaa sa halos 80 ka balay ang naugdaw diin mikostar sa 4 milyones pesos ang damyos sumala sa sulti sa Bureau of Fire Protection-Cagayan de Oro District.
