Nagpasalamat si PCol. Allen Rae Co, hepe sa Public Information Office sa Philippine National Police (PNP), sa Armed Forces of the Philippines (AFP) alang sa posibleng suporta sa pagpangita kang Senador Ronald dela Rosa kon kinahanglanon.
Gipasabot ni Co nga andam ang PNP sa pagdumala sa maong operasyon ug adunay igo nga gidaghanon sa mga kapulisan nga ma-deploy sa tibuok nasod.
Gitug-an usab nga dako ang tabang sa koordinasyon tali sa AFP ug PNP sa mga operasyon nga adunay kalabutan sa seguridad ug pagpatuman sa balaod.
Namugos ang opisyal nga padayon nga magtrabaho ang kapulisan subay sa mga mando ug legal nga proseso nga ipatuman sa mga may katungdanan
