Nanawagan si Bicol Saro Party-list Rep. Terry Ridon nga repasuhon ang mga balaod sa libel ug cyberlibel aron mapanalipdan ang reputasyon sa mga tawo samtang ginatuboy usab ang kagawasan sa pamamahayag.
Gipamugos ni Ridon nga dili angay mahadlok ang mga mamamahayag sa pagpangutana ug pagbalita sa mga isyung adunay dakong interes sa publiko. Misunod ang maong panawagan human madakpan ang beteranong mamamahayag nga si Philip Lustre Jr. niadtong Oktubre 24 sa Quezon City tungod sa kasong cyberlibel nga gisang-at ni Manases “Mans” Carpio.
Gilatid sa kongresista nga ang pagrepaso sa balaod dili tuyo nga tugotan ang pagpakaylap og sayop nga impormasyon kondili pagsiguro nga patas ang paggamit niini.
Giklaro sa magbabalaod nga kinahanglan malikayan ang paggamit sa mga probisyon sa libel ug cyberlibel isip paagi sa pagpahilom sa mga mamamahayag nga nagtuman sa ilang katungdanan.
