Misaka pa sa 52 ka tawo ang nasikop sa pag ronda sa U.S. Immigration and Customs Enforcement (ICE) sa mga ilegal migrants nga walay mga puy-anan ug nagkatag sa kadalanan sa Los Angeles City.
Wala pa gilangkat ni US President Donald Trump ang Los Angeles Police Department (LAPD) nga milangkob sa kapin 2000 ka mga National Guard troops nga mi-eskorte sa taga ICE sa pag-awhag sa mga imigrante nga dawaton ang libreng deportasyon ubos sa Trump Administration.
Sulod sa 24 oras, ang gilauman nga hapsay nga negosasyon nabalot sa dugoong pag ronda human sa pag riot sa mga ilegal migrants nga milusad sa lihok protesta ug paglabay sa tear gas gikan sa LAPD aron mabungkag ang mga nag-riot sa kadalanan.
Una nang misupak sila California Governor Gavin Newsom ug Los Angeles Mayor Karen Bass sa deployment sa National Guard, ug ilang gitawag kini nga “chaotic escalation”.
Gitubag ni Trump ang pagsaway sa duruha ug namugos nga ang mga ilegal nga mga imigrante ang nag-inisyar sa kagubot sa downtown Los Angeles ug sa Paramount district.
Nagpadala na sa formal request si Governor Newsom aron ipahunong ang deployment sa National Guards nga nakapasamot sa kahadlok sa mga residente sa duha ka syudad.
