Nagkinahanglan na lang sa dugang usa ka kadaugan ang Oklahoma City Thunder o OKC aron kuhaon ang kampeonato sa National Basketball Association 2025 finals.
Kini human nasakmit sa OKC ang ikatulong kadaugan batok sa Indiana Pacers sa game 5 sa NBA finals sa teritoyo sa Oklahoma City bag-uhay lang.
Si Jalen Williams maoy nangulo sa Thunder nga nakahimo’g 40 puntos inabagan ni Shai Gilgeous Alexander nga mihimo usab sa 31 points aron angkonon ang kadaugan sa pinal nga iskoring 120- 109.
Nabantanyan ang grabe kahugot nga depensa ang gipatuman sa OKC sa Pacers star player nga si Tyrese Haliburton diin siya nakahimo lamang sa 4 puntos sa tibuok dula.
Tungod niini,kinahanglanghan nga dag-on sa Indiana ang game 6 diin himoon sa ilang korte sa adlaw’ng Biyernes sa buntag.
Kung molampos ang Pacers pagpukan sa OKC sa adlaw’ng Biyernes, lauman ang game 7 diin himoon ang katapusang dula sa balwarte nila ni Alexander.
Maoy nangulo sa pildirong Pacers si Pascal Siakam nga nakahimo’g 28 puntos inabagan ni Aaron Nesmith nga mikulit usab sa 14 points.
Hisayrang tulo na ang daug sa OKC samtang duha pa lamang si Indiana rason kinahanglan nila tablahon ang resulta sa game 6 sa adlaw’ng Biyernes sa buntag.
