CAGAYAN DE ORO CITY – Walay plano ang pipila ka Filipino caregivers nga nagtrabaho sa Israel nga manguli pabalik sa Pilipinas nga walay kasiguruhan sa ilang panginabuhian alang sa mga pamilya niini.
Kini ang gibutyag sa taga-Balingoan,Misamis Oriental nga si Marvin Lumbay nga saksi sa mga bomba nga gipalupad gikan sa Iran pasulod sa Israel.
Miingon si Lumbay nga pinaka-delikado nga giyera kini nga iyang naskasihan nga gisagubang sa Israel kay dili mga ordinaryong bomba ang gigamit sa Iran hinungdang anaa sa 2 porsiento ang nakalusot ug nakadamyos sa pipila ka bahin sa lugar.
Siya miingon nga anaa lang sa 98 porsiento ang kapas mapugngan sa Iron Dome Defense System sa Israel ang mga bomba nga gipalupad sa Iran.
Kini ang rason nga gituyo sa Israel nga adunay lig-on nga bomb shelters ang ilang katawhan diin sila mosulod ug motago aron kalikayan nga makabsan sa kinabuhi.
