Ipatuman sa gobyerno ang fuel subsidy program oras nga musaka pa ang presyo sa lana sa World Market, epekto sa gubat sa Iran ug Israel.
Gipaniguro ni Presidente Ferdinand Marcos Jr nga matabangan ang mga sektor nga pinakaapektado sa pagsaka sa presyo, ilabe na nga bug-at sa bulsa sa mga drayber ang dugang singil.
Mipasalig ang presidente nga andam ang ayuda, sama sa gibuhat panahon sa pandemya, aron maprotektahan ang mga motorista ug negosyante nga nagkinahanglan og lana.
Nagpagawas na sa direktiba ang Malacañang sa Department of Energy (DOE) aron bantayan ang tensyon sa Middle East, ilabi na sa Strait of Hormuz, nga usa ka kritikal nga ruta sa lana.
Kung mosaka ang presyo sa Dubai crude oil sa labaw sa $80 kada baril, awtomatikong ma-kapatay-og kini sa presyuhan sa lana sa world market, ug sinyale nga insigida tagaan na sa fuel subsidy ang mga drayber sa pampublikong transportasyon ug mga mangingisda.
Mahinumduman nga sa 2025 General Appropriations Act (GAA) ang gobyerno mi-alokar sa P2.5 bilyon nga pondo alang sa fuel subsidy, nga ipang-apod-apod sa mga drayber sa public utility vehicles (PUVs), taxi, ride-hailing services, ug delivery platforms.
