Magsilbing ‘do or die’ game ang katapusang panag-agbat sa Oklahoma City Thunder/OKC ug Indiana Pacers sa NBA finals sa sunod semana.
Kini human pabiling buhi pa ug nakuha sa Indiana ang momentum kay ilang gipildi sa game 6 ang OKC sa pinal-iskor 108-91 kaganihang buntag.
Natubag usab ang pangutana kung makadula ba si Tyrese Haliburton nga nag-atubang sa injury kay nakahimo pa kini sa 14 puntos,5 assists ug duha ka steals aron dad-on sa kadaugan ang Pacers batok sa OKC.
Apan gipalihok sa Indiana ang uban nila nga bench players sma kang Obi Toppin aron makahimo’g 20 puntos.
Napalig-on ang kadaugan sa Indiana kay mitampo usab sila sa Andrew Nembhard sa 17 puntos ug Pascal Siakam sa 16 puntos.
Tungod niini,wala moigo ang 21 puntos ni OKC star player Shai Gilgeous Alexander aron kab-uton na unta ang kampeonato sa maong dula batok Pacers.
Sa 3-all standing sa NBA finals ning tuiga,bisan kinsa sa duha ka team nga makakuha sa kadaugan sa game 7 ang ilhon nga kampeon sa liga ning tuiga.
Himoon ang game 7 sa teritoryo na sa OKC nga sa adlaw’ng Lunes sa buntag.
Dumduman nga naninguha ang OKC nga mokab-ot sa unang kampeonato sukad nga nabalhin sila sa Oklahoma City tuig 2008 gikan sa pagsilbing kampeon sa pagsilbi pang Seattle SuperSonics.
Samtang ang tinguha usab kab-uton sa Pacers ang ilang pinakaunang titulo sukad nga sila nakahupot niini sa mga tuig 1970,1972 ug 1973 nga nagsilbi pang American Basketball Association ayha misulod sa NBA tuig 1976.
