CAGAYAN DE ORO CITY – Mitala lang sa ubos nga kaso sa dengue ang Northern Mindanao sulod ning bahina sa tuig.
Kini human gitaho sa Dept of Health 10’s Center for Health Development Northern Mindanao nga anaa lang sa 8-mil 785 ang natala nga dengue cases sugod Enero hangtod Hunyo ning tuiga.
Namahayag si Gemma Uy,program manager sa DOH-CHDNM nga 6-mil 884 ka dengue cases sa rehiyon,anaa lang 48 ka pasyente ang namatay itandi sa miaging tuig 2024.
Siya miingon nga sagad sa mga grabeng apektado sa balatian ang kabataan nag-edad 5 hangtod 9.
Kabahin sa mga dunay tag-as nga kaso ang Ozamiz City nga mitala sa 575;Iligan City,501;Valencia City,453;Cagayan de Oro City,410; Tangub City,245;Oroquieta City,228;Malaybalay City,166; Plaridel,167 ug Jimenez,157.
Sa ihap sa usab sa mga namatay’ng pasyente sa dengue infection,pinakadaghan ang Misamis Occidental kay anaa sila sa 19; Bukidnon,9; Lanao del Norte,8; Misamis Oriental,6;Iligan City,4;tag-usa sa Cagayan de Oro ug Camiguin.
Mipasidaan ang ahensiya nga batasunon ang kalimpyo sa palibot aron dili pondohan sa mga lamok nga modala sa dakong kalautan sa kinabuhi sa kabataan ug bisan sa mga edaran.
