CAGAYAN DE ORO CITY – Mipa-wow sa social media netizens ang paglutaw sa resident physician sa La Viña General Hospital Incorporated nga nakabase sa Valencia City,Bukidnon nga kapangalan sa sikat nga si 1993 Ms Universe Dayanara Torres.
Kini human e-anunsyo sa mga tigdumala sa ospital via Facebook page nga mainiton nila gidawat isip usa sa ilang bag-ong doctors nga si Dra.Maria Dayanara Torres.
Sumala sa impormasyon, nahuptan ni Dayanara ang iyang medical license sulod lang ning tuiga.
Sulti sa uban nga dili man taga-Puerto Rico ang maong doktora apan may ikaguba usab kung sudlan niini ang pageantry.
Si Torres ang mikuha sa iyang medical degree sa Cebu Doctor’s University nga migradwar tuig 2023.
Mipasar sa iyang licensure exam nga gilusad Marso 30-31 ug Abril 6-7,2025.
Nabahin ang pagtoo sa netizens kung ang pagbaton ba sa doktora sa maong susama nga pangalan ang impluwensiya sa sikat nga Puerto Rican beauty queen kinsa mipuyo sa Pilipinas sulod sa lima ka tuig alayon sa iyang koronasyon.
