Tak-om ang baba sa usa ka gitoohang bigtime drug dealer human masapon nga nagtinir sa kapin 7.5 milyon pesos nga street value sa shabu, dihang gisilbi ang iyang warrant of arrest sa kapulisan sa Zone 11, Sihayon, Brgy. Sta. Cruz, Tagoloan, Misamis Oriental.
Gibutyag ni Cyril Cambalon, Public Information Officer sa Misamis Oriental-LGU, nga nakompiskar sulod sa puy-anan sa suspek ang sako-sako nga shabu ug kini gikakurat sa mga operatiba.
Nahimong saksi si Cambalon sa operasyon ug iyang giila ang mga suspek nga sila Joan Ramoga, kuyog ang iyang anak nga si Jan Albert Ramoga, pulos hingkod ang edad, walang mga trabaho, ug residente sa maong lugar.
Ang wanted person nga ginang walay masulti sa mga operatiba kung asa nagsumikad ang binultong shabu. Samtang ang iyang anak, nasuta usab nga adunay kaso sa pagpayuhot sa ilegal nga druga sa milabay’ng katuigan.
Pulos paslak sa prisohan ang mag-inahan ug ning adlawa, pasakahan sa kasong paglapas sa Republic Act 9165 o ang Comprehensive Dangerous Drugs Act of 2002.
