Dismissed DPWH District Engr Henry Alcantara, mipatulo’g luha sa pagbasa sa iyang sworn statement

Nahimong emosyonal si dismissed DPWH Bulacan District Engr Henry Alcantara sa pagbasa sa iyang gisumpaang testamento sa Senate Blue Ribbon Committee, kagahapon. 

Sa wala pa siya magsugod, nangayo kinig pasaylo sa mga tawong iyang malakmit nga nalamgit sa flood control corruption scandal, dungan ang pagpangayog  proteksyon sa Department of Justice ug sa senado, dili alang kaniya apan, alang sa iyang pamilya gumikan sa kabug-at sa iyang iyag-yag nga mga impormasyon. 

Lakip sa nalakmitan ni Alcantara si DPWH Undersecretary Roberto Bernardo, Sen. Jinggoy Estrada, Sen. Joel Villanueva ug kanhi Sen. Ramon Bong Revilla Jr. 

Hinoon, gitin-aw ni Alcantara nga walay bisan usa sa tolo ka mga nanganlan nga senador ang direktang nakignegosasyon kaniya kay ang pagbahin-bahin sa proyekto ug  "proponent share" o kickback gimanipular tanan ni Usec Bernardo.