Gikuwestiyon ni Senador Panfilo “Ping” Lacson ang pagbutang sa gobyerno sa P50 milyong pabuya alang sa pagdakop kang Senador Ronald “Bato” dela Rosa, nga karon gipangita sa mga otoridad.
Matod ni Lacson, lisod sabton nganong gikinahanglan pa ang ingon kadakong reward kon tinuod nga adunay lig-on ug kasaligan nga impormasyon ang mga otoridad bahin sa nahimutangan sa senador.
Giingon usab niini nga kasagarang gigamit ang pabuya aron makakuha og impormasyon gikan sa publiko sa mga kaso diin lisod mahibal-an ang lokasyon sa usa ka wanted nga tawo.
Samtang nagpadayon ang manhunt, gipasiugda ni Lacson nga si dela Rosa adunay katungod sa due process ug naglaum siya nga ang pag-aresto niini mahitabo nga malinawon ug walay kagubot.
