Gidiskorahe ni Reverend Father Jun Balsamo Jr, SSJV, Chief Exorcist sa Archdiocese sa Cagayan de Oro City ang paghalad sa pagkaon sa mga kalag ug kini biyaan sa mga sam-ang.
Gitin-aw ni Balsamo nga walay baba, ug panimhot ang kalag aron makonsumo ang pagkaon nga ihalad.
Miingon ang pari nga mas maayong ipa-ambit kini nga mga pagkaon sa mga tawong gutom kay mapuslan kini sa ilang nagluya nga lawas ug kalag.
Una niini, gisita usab sa simbahan ang sikat nga mga horror news stories kalabot sa mga laagan nga kalag ug kadtong gakondinar.
Miingon ang iladong eksorsista nga human sa paglubong sa tawo, ang iya ra lawas ang mabilin sa kalibutan ug ang iyang kalag gilayon kining mupadulong sa langit o sa impierno.
Busa, gidasig sa simbahan ang tanan dumuduaw nga ang pinaka kinahanglan sa mga kalag mao ang pag-ampo ug pagrosaryo, inay pagkaon
