CAGAYAN DE ORO CITY – Nabawian sa 17 kilos nga gitoohang shabu nga adunay kantidad nga 115 milyones pesos ang duha ka suspected pushers sulod sa pinuy-anan sa Phase 1, National Housing Authority, Brgy Kauswagan ning syudad.
Kini ang gikompirmar sa mga operatiba sa Philippine Drug Enforcement Agency – Misamis Occidental; PDEA-Misamis Oriental ug Philippine National Police diin nasignit ang mga dinakpan.
Wala mohatag sa dugang detalye ang mga otoridad apan sila nagpasalig nga ipaubos sa imbentaryo ang mga ebedensiya nga nabawii.
Sa pagkutlo ning balita, gitakdang e-presenter sa media ang mga dinakpan sa PDEA-Misamis Oriental.
Sa miaging semana,nakadakop gihapon ang PDEA kuyog ang PNP sa dinakpan diin nakuhaan sa usa ka kilo nga high grade nga shabu sa syudad.
