UPDATE: Misaka pa sa 65 ka tawo ang patay, 70 samaran ug 279 pa ang missing tungod sa pagkasunog sa walo ka torre sa Wang Fuk Court housing estate sa Tai Po district, Hongkong.
Namahayag ang Hong Kong Fire Services Department nga gama sa kawayan ang scaffolding busa paspas ang pagkuyanap sa kalayo sa mga ka high-rise buildings nga gi-renovate.
Gikasubo sa mga bombero ang posibilidad nga musaka pa ang ihap sa mga fatalities samtang daghan ang nareport nga nalukong pa sulod sa ilang unit.
Ang sunog giila nga pinakadakong trahedya sa Hong Kong sulod sa daghang dekada, ug giimbestigahan karon ang contractor tungod sa gross negligence ug paggamit sa dili luwas nga materyales.
Una niini, namahayag ang Overseas Workers Welfare Administration (OWWA) nga 19 ka Overseas Filipino ang apektado sa sunog.
