Gisaway sa lupon sa mga abogado sa Mindanao ang gipangayo nga P8.1 billion nga proposed budget sa National Task Force to End Local Communist Armed Conflict o NTF-ELCAC alang sa tuig 2026.
Pito na katuig nga nagpadagan sa ilang programa ang ahensya apan, nagbilin lamang sa “red tagging” ug pagpang-abuso batok sa mga lumad ug mga mag-uuma ang ilang hinimuan
Namahayag si Atty. Joel Mahinay sa Union of Peoples’ Lawyers in Mindanao sa Bombo Radyo nga sa ilang tan-aw, walay nahatag nga klarong benepisyo ang NTF-ELCAC ug puro lamang dugang gasto, dungan ang pagpangdaut sa human rights defenders.
Dugang pa niin nga dili nila masabtan nganong ikutay sa gobyerno ang “insurgency issues” ngadto sa human rights defenders, kay klaro sa konstitusyon nga gitugotan ang katawhan nga magbaton ug lain-lain nga political nga panglantaw.
