Misamot ang tensyon tali sa Estados Unidos ug sa mga kaalyado niini sa NATO human sa pahayag ni US President Donald Trump nga importante alang sa seguridad sa kalibutan ang pag-angkon sa Greenland. Gisalikway sa Denmark, Greenland, ug sa European Union ang maong ideya, ug giingon nga kinahanglan tahuron ang soberanya sa Greenland samtang ilang gipalig-on ang depensa sa Arctic. Mas nagkagrabe pa ang panagbangi sa dihang nagpahamtang si Trump og 10% nga taripa sa mga nasod sa Europa nga nagpadala og mga tropa sa Greenland, nga giisip sa EU nga hulga sa ilang relasyon sa pamatigayon. Bisan pa sa tensyon, nagpahayag gihapon ang mga lider sa Europa nga andam sila makigtambayayong sa U.S. ug NATO, basta ang relasyon magpundar sa respeto ug dili sa pamugos. (Jane Abulag)
