Nagpadala daw sa “feelers” si resigned Ako Bicol Partylist Representative Zaldy Co kang Department of the Interior and Local Government (DILG) Secretary JonVic Remulla.
Miingon si Remulla nga gusto ni Co nga makigkomonikar sa pipila ka mga pari nga iyang kaila aron magsilbing tulay sa pakigdayalogo sa gobyerno.
Gitin-aw sa kalihim nga dili pa kini beripikado nga impormasyon apan, andam kanunay ang DILG nga mupataliwala ug muhatag seguridad kang Co kung ang iyang intensyon mao ang pagbutyag sa kamatuoran sa tanan niyang nahibaw-an sa lapad nga iskandalo sa pagpangurakot sa flood control project sa Department of Public Works and Highways (DPWH).
