Upat ka miyembro sa Philippine Army ang namatay ug usa ang nasamdan human gi ambush sa gitoohang mga armadong miyembro sa teroristang Dawlah Islamiya-Maute Group sa Barangay Liningding, Munai, Lanao del Norte, Biyernes, bandang alas 10:00 sa buntag, Enero 23, 2026.
Sumala sa report, sakay sa usa ka MPV nga Toyota Avanza ang mga sundalo gikan sa usa ka routine marketing operation o pagpamalit sa pagkaon sa dihang gi atake sila.
Paspas nakaresponde ang mga sundalo nga sakop sa 44th IB sa dapit diin nahitabo ang ambush ug gidala sa labing duol nga ospital ang nasamdan.
Wala pa gipangalanan ang mga namatay ug ang nasamdan nga sundalo alang-alang sa ilang mga pamilya.
