Gisuspenso sa World Food Programme (WFP) ang paghatag og tabang sa West ug Central Africa, hinungdan nga misamot ang krisis sa pagkaon.
Gipahibalo nga kapin sa usa ka milyon ka tawo sa amihanang-sidlakang Nigeria posibleng mawad-an og emerhensiyang tabang tungod sa kakulang sa pondo.
Sa Pebrero, gi-uyonan sa WFP ang pagkunhod sa tabang ngadto lamang sa 72,000 ka tawo, kumpara sa 1.3 milyon nga natabangan sa miaging lean season.
Gilauman nga 35 milyon ka Nigerian ang makasinati og grabe nga kagutom karong tuiga tungod sa kapintasan nga nakapahawa sa milyon-milyon ug nakadaot sa produksyon sa pagkaon. (Jane Abulag)
