Gipanghimakak ni Misamis Oriental Sangguniang Panlalawigan Board Member Dexter Yasay ang sayop nga sugyot nga adunay kakulangon sa operasyon sa mga nurses sa mga Misamis Oriental Provincial Hospitals tungod sa gilangkubang ₱97.5 million nga kuno gikuha gikan sa mga hospital sa probinsya.
Sumala ni Yasay, dili tinood nga gikuha sa Sangguniang Panlalawigan ang maong kantidad gikan sa walo ka provincial hospitals, kay gikan kini sa Provincial Health Office o PHO.
Gipatin-aw ni Yasay sa iyang interbyu sa Bombo Radyo nga ang ilang gi-aprubahang pondo gikan sa PHO mao lamang ang ₱30 million para sa mga consultant ug ₱60 million alang sa mga job order employees sa mga hospital.
Apan dakong pangutana matod pa ni Yasay kung nganong sa PHO gibutang ang maong pondo ug wala kini diretsong gi-apod-apod sa mga provincial hospitals nga nagkinahanglan og dugang nga manpower.T
ungod sa maong lakang sa administrasyon, nagduha-duha si Yasay kung seryoso ba ang bag-ong administrasyon sa pag-hire og bag-ong nurses, ilabina kay matod pa niya wala hatagi og hustong bili ang kasamtangang mga nurse-employee sa mga MOPH. (James Oliver)
