Nanawagan ang Department of Health Region 10 sa hugot nga pagtinabangay sa mga komunidad aron malikayan ang pagtaas sa mga kaso sa leptospirosis sa Northern Mindanao.
Sumala sa DOH-10, kapin sa 85 porsyento sa mga kasong natala sa rehiyon niadtong miaging tuig.
Namahayag si DOH-10 Epidemiology and Health Statistics Head Jasper Kent Ola nga ang pagguba sa mga puy-anan sa ilaga usa ka epektibong lakang aron malikayan ang pagkatag sa maong sakit.
Importante ang kanunay nga search and clear sa mga kanal ug drainage nga posibleng puy-anan sa mga ilaga.
Gikinahanglan usab ang declogging sa mga kanal aron molihok ang tubig ug dili magpabilin ang hugaw nga mahimong hinungdan sa kontaminasyon sa palibot.
Lakip niini ang husto nga paglabay sa basura sa insaktong basurahan.
Girekomenda usab sa DOH-10 ang kanunay nga fumigation sa mga lugar sama sa merkado, bodega, ug uban pang establisemento aron mapugngan ang pagdaghan sa mga ilaga.
Dumduman nga pagsulod sa tuig 2026, niining buwana sa Enero, aduna na’y lima ka kaso sa leptospirosis nga natala sa Rehiyon Diyes, rason nga gihingusgan karon sa DOH-10 ang mga lakang aron mapugngan ang paglobo sa mga kaso sa maong sakit.
