Gikalipay sa katawhan sa Sudan ang subling pagbukas sa ilang tugpahanan.
Ang Sudan Airways, kinsa national flag carrier sa nasud, subling gisugdan ang ilang mga domestic nga biyahe, sa Port of Sudan, kagahapon.
Kini nagmarka sa ilang unang regular nga biyahe sukad mahitabo ang duguong gubat sa ilang nasud niadtong Abril 2023.
Masaligon ang pipila ka Sudanese nga biyahero nga hinay-hinay nang manumbalik ang kalinaw sa ilang nasud ug matibawas na ang tensyon sa mga lugar nga padayong giilogan sa mga rebelde ug sa ilang kasundaluan.
Unang gibana-bana sa United Nations nga misaka pa sa kapin 13,000 ka tawo ang patay sa kapin duha ka tuig nga kagubot sa Khartoum, Darfur, Kordofan, ug Blue Nile. Ang bangi tali sa Sudanese Armed Forces (SAF) ug Rapid Support Forces (RSF) maoy nakapasamot sa tensyon sa nasud.
