Misaka pa sa 32 ka tawo ag patay sa pag-atake sa suicide bomber sa mosque sa Tarlai Kalan, Islamabad, Pakistan.
Subay sa report, gipabuto sa usa ka lalaki ang iyang lawas sulod sa Khadija Tul Kubra Mosque atol sa Friday prayers.
Ang insidente miresulta usab sa pagka-angol sa 169 ka worshippers.
Hisayran nga ang moske iya sa mga Shia nga nahimutang sa habagatang-sidlakan nga bahin sa siyudad.
Human sa pagbusikad, gideklara sa mga awtoridad ang citywide emergency ug gipadala ang mga biktima sa dagkong ospital sama sa Pakistan Institute of Medical Sciences.
Wala pa’y grupo nga midawat sa responsibilidad, apan ang imbestigasyon nagtudlo sa posibilidad nga militanteng grupo sama sa Tehrik-i-Taliban Pakistan (TTP) o Islamic State Khorasan Province (IS-K) ang nalambigit.
Sila Pakistani Prime Minister Shehbaz Sharif ug Foreign Minister Ishaq Dar mipahayag sa ilang pagkondenar sa atake ug nagsaad nga panubagonon ang mga responsable.
Human sa insidente, daghang demonstrasyon ang mitungha sa Kashmir ug uban pang lugar aron ipakita ang kasuko batok sa linoog nga hitabo.
Ang mga otoridad sa Pakistan nakadakop sa pipila ka suspek lakip na ang paryente sa bomber, ug padayon ang imbestigasyon aron masuta ang network nga nagpaluyo sa maong kalihokan.
