Subling gibubuan sa ulan ang pipilang bahin sa syudad epekto Easterlies nga nagpasulabi sa tibook Northern Mindanao.
Agig pahimangno, nanawagan ang Hapsay Sapa Movement ang katawhan ug mga kabarangayan sa syudad sa husto nga paglabay sa basura ug pagmentinar sa kalimpyo sa mga sapa, creeks, ug drainage, aron dili masubli ang nahitabong pagbaha sa Bagyong Basyang ilabe na didto sa Iligan City. Namahayag si Hapsay Sapa Team Focal Person Patrick Gabutina, dako ang papel sa disiplina sa katawhan aron malikayan ang mas grabeng pagbaha ilabina sa panahon sa kusog nga pag-ulan dala sa easterlies ugg mga bagyo.
Sa Bombo Radyo, gipamugos ni Gabutina nga a pinaagi sa ilang kampanya, nakigkoordinar sila sa City Local Environment and Natural Resources Office (CLENRO) ug sa mga tunghaan sa syudad aron mas mapalapdan pa ang kaalam sa mga kabatan-onan bahin sa responsableng pagdumala sa basura.
Mahinumduman nga sa pagbaha sa syudad, ang bulto bulto nga basura ang nahibilin sa dalan, ug kini pamatuod nga ang tawo, galabay gayud sa ilang basura sa suba, ilabe na sa Baloy Brgy Tablon ug Cugman, niining syudad.
