Gisupak sa defense counsel, pinaagi ni Atty Lindon Bacquel ang pagpaningkamot sa House prosecution nga ipresentar ang Statement of Assets, Liabilities and Net Worth (SALN) ni Vice President Sara Duterte sa impeachment trial.
Nahitabo kini samtang gipangutana ni House prosecutor Keith Flores si Land Registration Authority (LRA) representative Atty. Kathy Florence Baldonado atol sa padungog karong Huwebes.
Gipamugos ni Bacquel, walay igong basihanan nga ipresentar ang SALN pinaagi sa maong witness tungod kay wala kini personal nga kaalaman bahin sa impormasyon sa SALN sa bise presidente.
Agig tubag, gibutyag ni Flores wala nilang gipangayo sa witness nga motestigo o magsusi sa sulod sa SALN, kondili gusto lamang nila ipakita kung ang mga detalye sa titulo ug deed of sale makita usab sa listahan sa mga propiedad nga gi-deklara ni VP Sara sa iyang SALN.
