Nakurat ang pipila ka miyembro sa House Prosecution Panel human gipangutanan ni Defense Lead Counsel Atty Sheila Sison si Lead Prosecutor Atty Gerville Luistro kung ipresentar pa nila ang ilang testigo nga si kanhi Senador Antonio Trillanes IV.
Sa pakighinabi sa prensa, nakuratan si Flores sa abiso ni Luistro ilabe nga ilado kining agresibo sa pagpamatuod sa iyang nasayran nga nakapangawkaw sa dili ti-aw nga panalapi si VP Sara Duterte lakip na ang iyang amahan nga si kanhi Presidente Rodrigo Duterte.
Gibutyag ni Flores nga nangandam siya alang sa mga saksi nga ipresentar ug nakapukos na unta sa maong line-up. Ulahi na dihang napahibalo siya nga gitagak na sa prosekusyon si Trillanes.
