Suportado ni Retired Air Force General Romeo Poquiz, convenor sa Union Peoples Initiative (UPI), ang sworn affidavits nga gipasa sa 18 ka kanhi miyembro sa Philippine Marines batok kang Presidente Ferdinand Marcos Jr., kanhi Speaker Martin Romualdez, kanhi Deputy Speaker Zaldy Co, kanhi Department of Justice Secretary ug karon Ombudsman Jesus Crispin Remulla, kanhi Senador Antonio Trillanes IV, usa ka representante sa International Criminal Court (ICC), ug uban pang kanhi kongresista sa nasud.
Sa exclusive interview sa Bombo Radyo, gipamugos ni Poquiz nga lisud itratar nga “fake news” ang imormasyon sa nasampit nga grupo tungod kay pwede kini ikamatay sa mga testigong sundalo ug madamay pa ang ilang pamilya.
Siya miingon nga imposible nga mabaliwala ang ilang mga testamento, ilabi na nga sila mismo ang nag‑unang mga partisipante ug witnesses sa pagdala sa mga maleta nga puno sa minilyong cash nga gi‑apod‑apod ngadto sa mga nanganlan nga personalidad sama nila Marcos, Romualdez, Trillanes ug Co.
Gumikan niini, kumbinsido si Poquiz nga andam ug maayo ang mga kanhi sundalo sa ilang mga affidavit aron mahatagan og katin‑awan ang lapad nga sistema sa pagpangurakot sa salapi sa katawhan ubos sa kasamtangang administrasyon.. –
