Gidawat sa United Kingdom ang hangyo sa Amerika nga gamiton ang ilang base militar.
Apan mitin-aw si British Prime Minister Keir Starmer, nga ilang gitugutan ang hangyo tungod sa pagpangatake sa Iran sa ilang base militar bisan wala sila naninglabot sa joint military assault sa USA ug Israeli Force sa pag-atake sa Tehran.
Mipasabot si Starmer sa ilang katawhan nga ang ilang desisyon igo lang sa pagpanalipod sa ilang nasud human sila gidamay.
Subli, gitin-aw ni Starmer nga dili manginlabot sa direktang opensiba ang United Kingdom.
Sa pagkakaron gipamugos sa primo ministro nga prioridad sa gobyerno ang pagpanalipod sa interes ug kinabuhi sa mga Briton, ilabi na tungod kay kapin sa 200,000 ka British citizens ang naa sa rehiyon nga apektado sa tensiyon.
