Gidasig ni Pope Leo XIV ang mga Kristiyanong lider sa politika nga susihon ang ilang konsensya ug mangumpisal kon aduna sila’y papel sa pagsugod sa armadong panagbangi.
Gipahayag kini sa Santo Papa atol sa iyang pakigkita sa mga pari sa Vatican City. Matod niya, ang mga lider kinahanglan mangutana sa ilang kaugalingon kon tinuod ba nilang gisunod ang mga pagtulun-an ni Hesukristo nga nag-awhag sa kalinaw.
Gihisgutan usab kini tali sa nagpadayon nga tensyon sa Iran human sa joint airstrikes nga gihimo sa United States ug Israel niadtong Pebrero 28.
Sa maong pahayag, gisubli sa Santo Papa ang iyang panawagan sa mga nasud nga undangon ang panagbangi ug unahon ang dayalogo aron malikayan ang mas dako pang giyera. (By Jane Abulag)
