Muhatag sa positibong kalambuan ang pagbase sa mga US Troops sa lungsod sa Cagayan de Oro.
Kini ang nakitang “advantage” sa ekonomista nga si Rey Talimio Jr, ug opisyal sa Philippine Institute of Certified Public Accountants.
Si Talimio mitin-aw nga kanunay anaa ang mga pagbatikos tungod sa dakung kabalaka nga dala sa ilang pag-base sa syudad, apan, nakita usab niya ang posibilidad nga makahatag kinig maayong kalambuan.
Alang kaniya, ang pag-abot sa mga tropa mahimong mosangko sa mas daghang negosyo, trabaho, ug kalihokan sa lokal nga komunidad.
Makahatag kini’g dugang nga proteksyon sa rehiyon batok sa mga hulga sa seguridad.
