Angayang ipalig-on ang fuel resources sa Pilipinas aron dili kanunay magsalig sa mga produktong petrolyo gikan sa Middle East.
Kini ang sugyot ni Wilson Amad, convenor sa Peoples Constitutional Reform Initiative, ang pagpalambo sa lokal nga fuel resources pinaagi sa pakigtambayayong sa ubang nasud.
Gibutyag ni Amad nga pinaagi sa technology transfer gikan sa mga eksperto nga nasud, makat-on ang mga Pilipinong inhenyero sa hustong pagdumala ug pag-develop sa atong kaugalingong energy resources.
Dugang pa, matod niya nga kini nga pamaagi makatabang aron dili na magpabilin ang nasud nga dependent sa imported nga petrolyo nga kanunay maapektuhan sa global nga krisis.
Busa, iyang giingon nga kinahanglan seryosohon sa gobyerno ang maong lakang aron makab-ot ang dugayng solusyon sa problema sa enerhiya.
Naglaum si Amad nga pinaagi sa lig-on nga polisiya ug maayong pagdumala, mapalig-on ang energy security sa nasud ug mapanalipdan ang ekonomiya gikan sa epekto sa mga paglihok sa global market. (by James Oliver)
