Nadali sa pagresponde sa mga opisyal sa Barangay Opol, Misamis Oriental, human makadawat og sumbong gikan sa mga magtutudlo sa Barra Elementary School kalabot sa pagkadiskobre og kutsilyo ug laing armas nga gidala sa duha ka menor de edad nga estudyante.
Matod ni Barangay Kagawad Emmanuel Bersabal, miadto dayon sila sa eskwelahan aron susihon ang maong insidente.
Sa ilang pag-abot, gipakita sa mga magtutudlo ang kutsilyong nakuha gikan sa usa ka estudyante sa Grade 5.
Nadiskobrehan usab nga ang manghod niini, nga nag-eskwela sa Grade 4, adunay laing armas sulod sa iyang bag.
Sumala ni Bersabal, ang mga klasmeyt sa Grade 4 nga estudyante maoy nakakita sa armas ug nagpahibalo dayon sa ilang magtutudlo.
