Gitun-an pa sa gobyerno ang laraw nga makahatag sa dugang ayuda sa mga draybers nga apektado sa kapin gatus nga presyo kada litro sa krudo, ning semanahan.
Kini ang gipasalig ni Palace Press Officer USec. Claire Castro human iyang gibutyag ang posibilidad sa paghatag sa dugang nga ayuda alang labing apektadong sektor sa katilingban.
Namahayag si Castro nga nakig-koordinar na ang gobyerno sa ubang hingtundang ahensya aron madugangan pa ang kasamtangang pinansyal nga tabang nga ilang gihatag.
Gani, personal niyang nahinabi si DSWD Secretary Rex Gatchalian bahin sa posibilidad sa dugang nga ayuda.
Una niini, lapad nga ihap sa mga drivers ang mireklamo nga dili pa igo ang P5000 cash assistance sa ilang nautang nga mga salapi sa nanglabay nga adlaw dihang kalit ang pagsaka sa presyo sa lana, ug halos wala na silay kinitaan ug gipakaon sa ilang pamilya.
