Pasado na Senate Committee on Finance ang Proposed P7.7-bilyon budget sa Senado sa Pilipinas alang sa Fiscal Year 2027 atol sa gipahigayon nga pagdungog, uban sa badyet sa Senate Electoral Tribunal (SET) ug Commission on Appointments (CA).
Si Senate Secretary Renato Bantug Jr. maoy mipresentar sa giduso nga pondo nga gitumong sa pagpadayon sa episyenteng serbisyo sa lehislatura, pagpalig-on sa mga sistemang institusyonal, ug masinabtanon ug responsableng paggamit sa pondo sa katawhan.
Sumala sa Senado, ang gisugyot nga badyet magpalig-on sa mga programa ug operasyon sa institusyon aron mas mapauswag ang paghatag og serbisyo publiko ug suporta sa mga buluhaton sa lehislatura.
