Gihulagway sa grupong MASA Sarah Duterte Alliance (MASADA) ang administrasyong Marcos isip atras-abante ug kulang sa klarong mga lakang sa pagsulbad sa krisis nga giatubang karon sa nasud, ilabi na sa sektor sa petrolyo ug ayuda sa katawhan.
Sumala ni former Energy Usec Ben Ranque, chairperson sa MASADA, ang mga polisiya sa gobyerno sama sa libreng sakay, fuel subsidy, ug ayuda dili niya makita nga epektibong long-term nga solusyon kay temporaryo lamang kini ug wala’y klarong direksyon.
Dugang pa niya nga kinahanglan unta og mas lig-on nga desisyon gikan sa administrasyon aron masulbad ang krisis imbis nga nagkalain-laing lakang nga kulang sa koordinasyon ug nagmugna og kalibog sa publiko.
Busa, gipunting usab niya nga kinahanglan ayohon ang sistema sa pagpatuman sa mga programa aron matubag ang padayon nga reklamo sa katawhan ug transport sector. (By James Oliver)
