Walay epekto sa nag-abante nga pakignegosasyon sa Amerika ug Iran ang pagpahagba sa usa ka US fighter jet sa Northern Iran.
Kini ang tubag ni United States Presidente Donald Trump dihang iyang gipakompirmar ang mga insidente sa prensa.
Pinaagi sa telepono, gipamugos ni Trump nga dili pa siya makahatag sa daghang detalye kay kini nga isyu mga soryosong hisgutanan sa militarya sa ilang nasud.
Gidugang ni Trump nga milusad na sa search and rescue operation ang ilang tropa alang sa 2 reported missing nga mga crew sa gipahagba nga Jet fighter ug rescue chopper sa Strait of Hormuz.
Una nang namahayag si Press Secretary Karoline Leavitt nga nadawat na ni President Trump ang impormasyon sa US fighter jet nga gitirahan sa Iran, ug kini na-identipikar isip usa ka F-15E Strike Eagle.
Wala na mihatag sa dugang detalye si Leavitt sa A-10 attack plane nga nagcrashlanding sa Persian Gulf region, dungan sa pagkahagba sa Air Force F-15E samtang naglupad sa Amihanang Iran.
