Food security ug pagsuspenso sa pork barrel sa mga magbabalaod ang nakita nga epektibong sulosyon ning panahon sa global nga krisis sa lana ni kanhi National Security Adviser ug Secretary of National Defense Norberto Gonzales.
Miingon si Gonzales nga kinahanglan mapaniguro sa administrasyon ni Presidente Ferdinand Marcos Jr nga supisyente ang nasud bugas, utanon ug prutas kay kini ang nag-unang panginahanglan sa katawhan.
Gawas niini, misugyot si Gonzales nga i-suspenso na ang pork barrel sa mga magbabalaod ug mao kini ang gamiton sa pagpa-ubos sa presyo sa lana sa merkado sa Pilipinas.
Nagtoo si Gonzales nga daku ang matabang sa salapi gikan sa pork barrel ilabe na nga tibook katawhan sa Pilipinas ang makabenepisyo niini ug dili na makurakot sa pipila lamang.
