Mipasidaan si Iranian Foreign Minister Seyed Abbas Araghchi sa Estados Unidos nga dili tugotan si Israeli Prime Minister Benjamin Netanyahu nga “patyon ang diplomasya” samtang nagpatuman sila sa kasabutan nga duha ka semana nga ceasefire, human sa 40 ka adlaw nga gubat.
Sa iyang post sa X, giingon ni Araghchi nga ang region-wide ceasefire kinahanglan maglakip sa Lebanon aron mapalapad ang kalinaw sa Middle East.
Sa pikas bahin, miingon si Iranian Parliament Speaker Mohammad Baqer Qalibaf nga hapit na mahurot ang oras ug namugos nga dili mahimong mabuwag ang Lebanon sa hisgutanang kalinaw.
Una niini, gipasalig ni Ministro Araghchi nga luwas ang tanan paglabay sa Strait of Hormuz, ilabe na sa mga cargo vessel ug tankers nga iya sa Russia, France, Spain, ug Germany human niya mahinabi sa telepono ang iyang mga counterparts.
