Nasanta sa kapulisan ug maritime authorities ang usa ka marine tanker nga nagkarga ug gibanabana nga ₱41.1 milyon nga kantidad sa unmarked diesel sa municipal waters sa Villanueva, Misamis Oriental.
Nadakpan ang duha ka crew members – ang kapitan, 71-anyos nga taga-Sipalay City, Negros Occidental, ug ang chief mate, 63-anyos nga taga-Batad, Iloilo – tungod sa paglapas sa Customs Modernization and Tariff Act (RA 10863).
Ang operasyon nagsugod sa intelligence report nga adunay barko nga gasakaan sa mga motorized bancas ug nag-apod-apod sa diesel nga walay awtorisasyon.
Subay sa inspeksyon, napamatud-an nga ang sakayan walay markings ug wala nakig-coordinate sa Philippine Coast Guard ug Bureau of Customs.
Nakumpiska ang tanker ug 300,000 liters nga diesel fuel nga subject pa sa final verification.
Ang mga nadakpan karon anaay kustodiya sa Villanueva MPS samtang ang vessel gi-turnover sa BOC Region 10.
